Imphal, Lber:
Ha ka jingjia kaba pyni ïa ka dak jong ka jingbha, la shem ba baroh 20 jait ki tiar siat bapher bapher, ryngkat bad kiwei pat ki jait tiar ba bunjait, la aiti mon sngewbha da ki paidbah ha kylleng ki jaka ha Manipur. Kane ka jingwan pyndem wait ka la long ha Imphal East, Bishnupur, Jiribam, bad Imphal West.
Ha ophis jong u SDPO, Porompat, Imphal East, la aiti ïa kine ki tiar kiba kynthup ïa ar tylli ki suloi 9mm kiba don saw tylli ki kuli bym pat pyndonkam, ar tylli ki suloi Anti-riot, kawei ka Enfield. 303, kawei ka Stun Shell bad uwei u bom pynsat khmat.
Ha Bishnupur distrik, ha 10 Batallion, ki shipai BSF, Loktak Project, Bishnupur, bad hadien la aiti sha ki pulit Loktak ar tylli ki suloi Single-Barrel Breech-loaded (SBBL) 12-bore, kawei ka Modified .303 rifle, lai tylli ki bom No. 36 kawei ka HE No6 set, uwei u Igniter No8de Grenade. U bom MK-1 ryngkat bad u Striker, kawei ka suloi .22 ba la shna ha ka ri, kawei ka Magazine pistol .22, kawei ka pistol 12-bore, ar tylli ki Baofeng Wireless Set ba don ki Battery, ar tylli ki Helmet, kawei ka jingtap Jacket Bulletproof (BP), kawei ka BP plate bad kawei ka suloi 70mm ba la shna na ka ri kaba don Bipod.
Ha Imphal West District, ha ka ophis treikam jong ki pulit ka Wangoi Police Station, kawei ka suloi 7.62mm SLR kaba don ka Magazine, kawei ka suloi Double-Barrel Breech-loaded (DBBL) gun, 8 tylli ki kuli bym pat pyndonkam 5 tylli ki bom kawang kti, 5 tylli ki bom kawang kti, kawei ka Stun Shell, uwei u kuli Runner, 5 tylli ki kuli Tear Smoke Shell, 6 tylli ki pliang nar, hynñiew tylli ki jacket BP, hynriew jur ki Boots, uwei u Magazine Pouch, uwei u Cartridge Belt, lai tylli ki Headgear Items, kawei ka Camouflage Cap.
Ha ophis treikam jong ki pulit ka Sekmai, la aiti ïa kawei ka Carbine ryngkat uwei u Magazine.
Ha Jiribam distrik, ha ophis jong u Officer-in-Charge, Jiribam Police Station ki don phra tylli ki suloi SBBL ba la shna da ka ri, kawei ka suloi DBBL magnum, 27 tylli ki kuli 12-bore, 16 tylli ki kuli 7.62 x 51mm, 15 tylli ki kuli 962. Ki kuli 5.56mm, kawei ka kuli AK-47, kawei ka kuli SLR.
Ka jingaiti mon sngewbha ïa kine ki tiar ïaleh bad ki tiar siat ka pyni ïa ka sienjam ban pynïoh biang ïa ka shongsuk-shongsaiñ ha kane ka thaiñ. Ki bor synshar ki la sngewnguh ïa ka jingïatreilang jong ki paidbah bad ki dang ïai bteng ban pynshlur ban ïashim bynta shuh shuh ha kum kine ki jingpyrshang.
