Shillong, Lber 10
U Bah Okitlang Syiemlieh uba dei u pulit ophisar ka Jylla u la long kum u nongjop ha ka jingïakop mareh kaba 72km jong ki shynrang ha ka Tsomgo Ultra Marathon 4.0 ha Sikkim, katba ka Ritiba-ïahunlang Jyrwa, kaba long kawei pat ka pulit ophisar ka Jylla ka la wan ha ka kyrdan balai ha ka jingmareh kaba 42 km jong ki kynthei.
U Bah Okitlang, uba la lah ban pynpaw ïa ka jingtbit ha ka Ultra Marathon, u la ïoh ïa ka khusnam pisa kaba T.35, 000, katba ka Ritibaïahunlang ka la rah sha la ïing ryngkat ka song pisa kaba T. 10,000.
Ka Tsomgo Ultra Marathon, kaba dei tang kawei ka jingïamareh ha Sikkim, kaba la plie lad ïa ki nongmareh ba kin ïohi ïa ki jingitynnad jong ki lum makashang.
Ka jingjop jong u Okitlang kam long kaba phylla haba kheiñ ïa ki jingjop jong u ha ki por ba la dep. U la wan ba ar ha ka jingmareh jong ka Mawkyrwat Ultra kaba 72km ha u snem 2018 bad u la jop ruh ïa ka jingïamareh kaba 100km kaba la long ha u snem ba bud. U la mihkhmat ruh ïa ka jylla Meghalaya ha ki jingïalehkai ha ka kyrdan jong ka ri kum ka National Cross Country Championship kaba la long ha u 2022.
Katba ka Ritibaïahun -lang ka la ïashim bynta ha ki katto-katne jingïamareh kaba kynthup ïa ka Sohra International Half Mara-thon bad ka Assam Rifles Half Marathon.
