Shillong, Lber 11
Kawei ka jingjia ha ka thaiñ shatei lam mihngi jong ka Congo, ha kaba kawei ka lieng ka la kylla bad pynlong ïa ka jingduh noh jong 25 ngut ki mynsiem briew, khamtam eh ki nongïalehkai phutbol bad kaba pynpaw ïa ka jingbym shngaiñ ka jingïaid lynti ha kawei ka thaiñ.
Kitei ki nongïalehkai ki dei kiba dang wanphai na ka jingïakhun ha ka nongbah Mushie, jong ka Maï-Ndombe, ha kaba katei ka jhaj ka la kylla ha ka wah Kwa ha ka miet Sngi U Blei. U Alexis Mputu, nongaiktien katei ka ri, u la ai jingmut ba ka jingbym lah ban ïohi bha ha ka por miet, ka lah ban long ka daw jong katei ka jingjia ba sngewsih.
Katba, ym duna ïa ka 30 ngut ki briew ki la lait im na katei ka jingjia, kumba la pynthikna da u Renacle Kwatiba, nongpyniaid jong ka Mushie, kum kine ki jingjia ba sngewsih kim ju jia ha ka jaka pdeng jong ka ri Africa.
Ki lieng kiba kit palat pud bad ki jingleit jingwan ha ka por miet la ju kdew kum ki daw kiba pynlong ïa kum kitei ki jingjia, kaba la pynjur shuh shuh da ka jingbym pyntreikam ïa ki kyndon ba la buh da ki bor pynïaid.
