Shillong, Lber 13
Ka Young Guns Cricket Club ka la lah ban pynthikna ban jam sha ka final ha ka First Division Cricket League 2024-25 ba la pynïaid da ka Shillong Cricket Association hadien ba ka la lah ban pynliem noh ïa ka Metallica CC da 88 run ha ka Sngi Palei.
Ha kane ka jingïakhun semi final kaba nyngkong kaba la long ha madan Polo, ka Metallica kaba la jop ïa kynting pisa, ka la ailad shwa ïa ka Young Guns ban tied nyng -kong ha kaba la ïoh 254 run bad shah pynhap 9 wiket ha ki 40 over. U Bishes Chetri u la tied 44 run na ki 56 bol bad u Mewankitbok M Kharpuri u la ïoh 48 run na ki 64 bol. Haba wan beh ïa ka thong ba la buh da ka liang pyrshah, ka Metallica ka la ïoh tang 166 run bad shah pynhap 10 wiket ha ki 35.2 over. U Dipayan Nandi u la tied 43 run na ki 32 bol bad u Chiranjit Paul u la ïoh 33 run na ki 58 bol. Ïa ka nam ‘Player of the Match’ la ïohpdiang da u Mewankitbok M Kharpuri uba la ïoh 48 run bad shim 2 wiket.
