Shillong, Lber 16
Ka lympung ïalehkai Inter Office Cum Corporate League T20 Cricket Tournament 2025 ba la pynïaid da ka East Khasi Hills Cricket Association ka la jam shaphrang ha kaba ka Exporter XI bad ka SSA Shella Bhologanj ki la ïoh jingjop ha ka sngi Saitjaiñ.
Ha ka jingïakhun kaba la long ha madan Saitsohpen Sohra, ka Exporter XI ka la pynliem noh ïa ka Telecom Combine da 33 run. Ka Exporter XI kaba la kam trai ban tied nyngkong ka la kamai 108 run bad shah pynhap 8 wiket ha ki 10 over. U Vishal Warjri u la khyrwit 54 run na ki 20 bol. Katba u Aldrinson Nongsiej u la shim 2 wiket na ki 18 run ha ki 2 over.
Haba wan beh ïa ka thong, ka Telecom Combine ka la ïoh tang 75 run bad shah pynhap 5 wiket ha ki 10 over. U Pynsuklang Rajee u la tied 37 run na ki 30 bol. Katba u Shubro Sarkar u la shim 2 wiket na ki 16 run ha ki 2 over. Ïa ka nam Player of the Match la ïohpdiang da u Vishal Warjri.
Haba phai sha kawei pat ka jingïakhun ba ar ka Shella Bhologanj ka la jop da 29 run ïa ka Sohra Labour Union. Ka SSA Shella Bholaganj kaba la shimti ban tied nyngkong, ka la ïoh 117 run bad shah pynhap 10 wiket ha ki 15 over. U Mebanrilang Malngiang u la tied 33 run na ki 15 bol. Katba u Lurshai Wahlang u la shim 2 wiket na ki 20 run ha ki 3 over.
Haba wan shimti ïa ka pali ba ar, ka Sohra Labour Union ka la ïoh tang 88 run bad shah pynhap 10 wiket ha ki 14.5 over. U Kloilan Sohtun u la long u nongtied uba la ïoh bun da kaba kamai 49 run na ki 39 bol. Katba u Mebanrilang Malngiang u la khur 2 wiket na ki 19 run ha ki 3 over. Ïa ka nam Player of the Match la khur da u Mebanrilang Malngiang.
