Shillong, Jylliew 24
Ka jingïakop mareh jong ka 5th Sohra International Half Marathon 2026 kan long ha ka 4 tarik u Nailur 2026 bad yn ailad tang 11,000 hajar ngut ki nongshim bynta na kylleng ka ri bad kiba nabar ri.
Ïa kane ka jingïakop la phiah ha la ki jong ki kyrdan kata ka 21K ELITE/OPEN (ABOVE 18 YEARS), kumjuh 21K MEGHALAYAN OPEN (ABOVE 18 YEARS), ka 10K MEGHALAYAN OPEN (18 TO BELOW 40 YEARS), 10K MEGHALAYAN OPEN (40 TO BELOW 55 YEARS) bad ka 10K MEGHALAYAN OPEN (55 YEARS ABOVE).
Ïa kane ka jingïakop la pynïaid da ka Meghalaya State Olympic Association bad ka Meghalaya Athletics Association, ha ryngkat ka jingkyrshan lang ka tnat ïalehkai jong ka Sorkar Jylla.
Kumba long ha u snem ba la lah, ïa kane ka jingïakop la mang ban pynlut 3 klur tyngka. Ki bor pynïaid ki la ïathuh ba la kyntiew ïa ka khusnam pisa na ka bynta ka 21k Elite kaba long 3 lak, 2 lak bad 1 lak ïa kiba wan ba nyngkong, ba ar bad balai bad 50000 ïa ki 5 ngut kiba wan consolation.
