Shillong, Lber 16
Ka kynhun ïalehkai jong ka Maldives ha ka Sngi U Blei ka la wan poi ha ka nongbah Shillong kum shi bynta na ka jingwan ïalehkai paralok pyrshah ïa ka India ka ban long ha ka 19 tarik mynta u bnai ha J.N Stadium, Polo.
Kane ka kynhun ka la wan poi lyngba ka liengsuiñ ha Umroi Airport ïa kaba la leit ban pdiang sngewbha ïa ki da ki dkhot ka Meghalaya Football Association kiba kynthup ïa u Bah Cliff R. Nongrum bad Bah Freddy Kharpran Sun.
Kane ka jingïalehkai paralok kan long ruh shi bynta ban pynkhreh ïa ka India na ka bynta ka AFC Asian Cup 2027 Qualifier pyrshah ïa ka Bangladesh ka ban long ha ka 25 tarik mynta u bnai.
