Jowai, Lber 31
Ka Ummulong CC ka la pynliem noh ïa ka Khliehtyrshi SC da 5 wiket ha kaba sdang ïa ka lympung ïalehkai District Cricket League 2025 ba la pynïaid da ka West Jaiñtia Hills Dis-trict Cricket Association (WJHDCA) ha ka Lah Sngi U Blei ha madan ïalehkai ka shnong Khliehtyrshi.
Ha kane ka jingïa-khun ka Khliehtyrshi kaba la jop kynting pisa, ka la shimti ban tied nyngkong ha kaba ka la ïoh 109 run bad shah pynhap 10 wiket ha ki 20.3 over.
Hynrei haba wan shimti ïa ka pali ba ar, ka Ummulong ka la lah ban kynjoh sha ka thong tang hapoh 16.2 over bad shah pynhap 5 wiket. U Sumarlang Lamare ka Ummulong u la kylla long u nam tam bad ban ïohpdiang ïa ka nam ‘Man of the Match’ hadien ba u la shim 2 wiket ha ki 2 over.
