Shillong, Ïaïong 07
Ka jingkyrmen jong ka Manchester City ban ïoh rung sha ka Champions League ka dang don hapdeng ka jingartatien hadien ba ka la ïakhaid khlem don ban thep kol pyrshah ïa ka Manchester United ha ka Sngi U Blei.
Ka United ka la ïalehkai kham bha namar ba ka la duh ïa ka jingïalehkai kaba nyngkong eh ha ka City naduh ka aïom ïalehkai 2019/20.
Kane ka jingïasam mar shi poiñ ka la pynlong ïa ka City ban don ha ka kyrdan ba san ha ka Premier League, kaba long ka jingduh jingkyrmen ban rung sha ka Champions League jong ka aïom ban wan.
Hynrei kane ka kynhun jong u Pep Guardiola ka la tam tang ar poiñ ïa ka Newcastle, kaba dangsah sa ar tylli ki jingïakhun pyrshah ïa ka City. Katba ka United ka la don ha ka kyrdan 13.
Kumba ka paw ym pat ju don ha ka juk jong ka Premier League ba ka City ne ka United kim shym la poi ha ka kyrdan ba saw, hynrei kata ka rekod ka don ha ka jingma kaba khraw ha ki bnai ban wan.
Hadien ka jingjop saw sien lynter ha ka league, ka jinglong jingman jong ka City ka la nang hiar naduh ba kam shym la rung sha ka thup ba saw ha ka aiom ïalehkai 2009/10.
Ka lad kaba ka United ka don ban rung sha ka Champions League ka long sa tang da kaba jop ïa ka Europa League namar kam shym la lah ban ïalehkai bha ha ka Premier League.
