Ka kyntien khristan ka mih na ka kyrteng U Khrist. kumta lada ngi ong ba ngi dei ki khristan, ka nongrim jingngeit jongngi ka dei ban long beit tang ha ka Baibl hi marwei bad ym shabar ka Baibl bad kano kano ka jinghikai ba ngi ngeit ka dei ban long na ka ktien U Blei ?Baibl).
Hynrei ka pynlyngngoh ka long ba ïa ki ktien bym don satia ha ka Baibl ruh ngi ïa bud. Kum ka nuksa ka Good Friday bad Easter Sunday kim don satia ha ka Baibl.Te halor kano ka nongrim pat ki ong ka Good Friday ka dei ka sngi iap u Jisu Khrist bad ka Easter Sunday ka dei ka sngi mih pat jong u.
Ka long kaei kaei ka bym lah long ba ka tarik ba u briew u iap ka kylla. Namar ka jingiap u Jisu Khrist ka kylla ym tang ka tarik hynrei wat u bnai ruh. Ne phi ong kam dei kumta. Wat la ym shym shem hangno hangno ruh ha ka Baibl ba ka 25tarik u December ka dei ka sngi kha u Jisu Khrist. Kane ruh ka dei kaba shu buh hi da u briew. Ka jingiap u Jisu ka dei ka jingkhawai U Trai ym ka Good Friday.
Namar ha Baibl ngi shem namar katno katno sien ruh ba phi ïa bam ïa une u kpu bad phi ïa dei ïa kane ka khuri phi pynpaw ïa ka jingiap U Trai, tad ynda un wan (I Kor 11 : 26). Kine ki ktien ki batai shai bha ïa kiba ngeit ba dei tang ka jingkhawai U Trai kein ba ngin kynmaw ïa ka jingiap u Jisu khrist la ka long katno katno sien ruh.
Hynrei ym da ka Good Friday kaba long tang shisien shi snem. Kumta ka dei seh ban rakhe ïa ka Good Friday namar u Jisu Khrist hi u khlem hukum ïa ngi ban kynmaw ïa ka jingiap jong u. Kum ki khristan ngi dei ban shaniah beit tang ha ka ktien u Blei. Suk uta u briew uba shaniah ha U Trai bad uba ka jingshaniah jong long U Trai (Jer 17 : 7). Lada ngi kwah ban tip ïa ka sngi ba u Jisu Khrist u iap, phai sha ka ktien u Blei ym shabar ka ktien u Blei.
C. B. Iawphniaw
