Imphal, ïaïong:
Ki kynhun pahara ha India, ki la pynmih ïa ka jingmaham kaba jur ha shi lynter khappud jong ka Manipur bad ka Myanmar, hadien ba la lap ïa ka jaka buh tiar pynbthei bad ki tiar siat, la pynthikna da ki heh sorkar ha ka sngi Thohdieng.
Ïa kane ka jingmaham la pynbna hadien ba ki bor pahara jong ka sorkar pdeng, ha ka jingïatreilang bad ki pulit jong ka thaiñ, ki la pynlong ïa ka jingkhynra kaba stet ha ka sngi Palei ha ka thaiñ shnong Saivom kaba hap hapoh ka thanat Tengnoupal jong ka Manipur. Kane ka thaiñ ka don hajan u pud u sam jong ka Myanmar bad dang shen ka la ïohi ïa ka jingïakynad kaba jur bha.
Da kaba buddien katkum ki jingtip jong ki ‘riew wad bniah kiba ïathuh ïa ka jingdon jong ki lehnoh kiba don tiar kiba pyrshang ban seng jaka sah ha Manipur, ki bor pahara ki la pynlong ïa ka jingwad bniah kaba la thmu da kaba pyndonkam da u ksew sma dien. Kane ka jingkhynra ka la pynlong ïa ka jingkurup ïa shibun ki tiar ïaleh bad ki tiar pynbthei.
