Khliehriat, Ïaïong 21
Ka Youth Development Committee jong ka East Jaiñtia Hills District Football Association (EJHDFA) ha ryngkat ka District Sports Pro-motion Society, ka la sdang ïa ka lympung ïalehkai ki heprit ba la tip kum ka Baby League ha ka 19 tarik mynta u bnai ha madan Artificial Turf kaba ha Diengshynrum.
Ha katei ka sngi sdang la wan shim bynta da saw tylli ki kynhun bad la wan ban ai mynsiem lang da ki kmie ki kpa ryngkat ki bahaïing bahasem jong ki heprit. Ïa kane ka lympung la phiah ha la ki jong ki kyrdan ïalehkai, kita ka Under-9, Under-11, katba ha ka Under-7 la ai jinghikai ïa ki heprit haba ïadei bad ka phutbol.
La don 80 ngut ki khynnah shynrang bad kynthei kiba la pynrung kyrteng ha kane ka sngi sdang jong ka Baby League. Katba ha ka Under-7 la don 37 ngut kiba wan ïashim bynta.
Ka jingïalehkai kaba nyngkong jong ka Under-11 ka la kut noh da ka jingïakhaid mar 1-1 kol hapdeng ka Khliehriat GR Eagles bad ka Rymbai GR Hawks. Katba ka Wapung Tiger SC ka la pynrem da 2-1 kol ïa ka Golden Lion FC.
Ha ka Under-9, ka Khliehriat GR Eagles ka la jop da 2-0 kol pyrshah ïa ka Rymbai GR Hawks, katba ka Golden Lion FC ka la pynliem da 3-0 kol ïa ka Wapung Tiger SC.
Ha katei ka sngi la donlang u Chairman ka Youth Development Committee, Bah Chawas Nongtdu bad u Waheh Shnong Diengshyn-rum, Bah Wilbert Nongtdu ryngkat ki dkhot ka Committee YDC EJHDFA nalor kiwei pat.
