Mawkyrwat, Ïaïong 21
Ka Mawlangwir Sports Club ka la long ka lahduh ha ka lympung ïalehkai First Division League 2024-25 ba la pynïaid da ka Mawkyr-wat District Sports Asso-ciation (MDSA), hadien ba ka la lah ban pynliem noh ïa ka Kuchaphrang FC da 1-0 kol ha ka jingïakhun final kaba la long ha ka Lah Sngi U Blei ha madan Artificial Turt, Nonglang, South West Khasi Hills District.
Haba phai sha katei ka jingïalehkai ka long kaba itynnad ha ryngkat ka jingsakhi lang ki paidbah nongkyrshan na baroh ar kynhun. Ha ka kylla step ka jingïalehkai ka long kaba ïakhaid bha ha kaba ym shym la don ba lah ban pynkhih jar.
Ha ka jinglehkai ha ka kylla miet , ka Mawlangwir ka la ïalehkai bha bad ñoin tyngeh bad ïoh ruh shibun ki kabu, hynrei kam shym la lah ban pynurlong bad dei tad haduh ka minit kaba 65 ba ka la la ïoh ban thep ïa ka kol kaba nyng-kong lyngba u Fairborn-son Lyngdoh.
Haba bteng ïa ka jinglehkai ka liang pyrshah ka la pyrshang katba lah ban pynphai ïa ka kol hynrei kam shym la ïoh lad haduh ban da kut ka por ban mad ïa ka jingshah rem.
Kum ban shu kdew ki don haduh khatar tylli ki kynhun na ki shnong bapher bapher jong ka distrik bad ki kynhun shimet kiba wan ïashim bynta ha kane ka lympung.
Te kumta ka Maw-langwir SC bad ka Kuchaphrang FC ki la kiew kyrdan sha ka Super Division, katba ki ar tylli kiwei pat ki kynhun kiba la shah pynhiar noh sha ka Second Division ki long ka Photjaud S&CC bad Mawkyrwat SA.
Ïa katei ka lympung la wan ban pynhap da u Bah Carness Sohshang, Co- Chairman ka Megha -laya State Development Reforms Commission uba dei ruh u MDC barim ka Mawkyrwat Constituency kum u kongsan ha ryngkat ka jingdonlang u Bah Y.G Lyngdoh, Working Presi-dent MDSA, Bah Khraw -kupar Shangdiar, Foot -ball Secretary MDSA, Bah laying Lyngdoh, Chairman Football Committee MDSA bad kiwei kiwei ki riew rangbah ba la khot sngewbha da ka synjuk.
