Imphal, ïaïong:
Ha ka jingïaid lynti jong ki jingïakhun kiba kongsan ha Manipur, ka jingdon jong ki kali ba la shah tuh/shah knieh da ki riew pyrshah ïa ka imlang sahlang/ki nongleh bymman na ki paidbah ka la kiew sha ka 58 tylli haduh ka sngi B-ar.
Ha ka jingpyntreikam kaba dang shen, ka kynhun jong ki pulit ka jylla kaba ju ïakhun pyrshah halor ka jingshah tuh jong ki kali ka la ïoh kurup 16 tylli ki kali ha ka jingleit khynra ba kyrpang ba la pynlong na ka bynta ban ïoh kurup ïa ki kali ba la shah tuh/shah knieh na ki riew pyrshah ïa ka imlang-sahlang/ki nongleh bymman ha ka 20 tarik, Ïaïong.
Ki khubor ki la pynpaw ba kine ki kynhun ki lap ïa ki kam tuh kali bad ki bishar bniah ïa ki kam tuh katkum ki jaka ba la tuh ïa ki, ki jait kali, ka por ba la tuh, bad kiwei kiwei ki jingjia.
Ka jingpyntreikam biang ban ïakhun pyrshah ïa ka kynhun runar kaba rah kali ka la sdang naduh ka 16 tarik u Ïaïong da kaba ïoh kurup ïa 15 tylli ki kali ba la shah tuh. Ka kynhun ka la ïoh kurup ruh ïa 14 tylli ki kali ha ka 18 tarik u Ïaïong bad 13 tylli ki kali ha ka 19 tarik, Ïaïong.
