Shillong, Ïaïong 23
Ka India ka la bteng ban pynpaw ïa ka jingtbit ha ka rynsan ïakop siat suloi jong ka ISSF Junior World Cup ha Cairo da kaba ka la khur saw tylli ki takma kiba kynthup ïa lai tylli ki rupa lem bad kawei ka rnong.
Ka kynhun ïalehkai junior jong ka India ka la lah ban ïalehkai ha ka jingïakop siat jong ka rifle bad pistol, ha kaba mynta ka don ha ka kyrdan kaba lai hadien ïa ka Kazakhstan bad ki nongïalehkai ba shimet (Neutral Athletes).
U Rohit Kanyan u la khur ïa ka takma rupa ha ka 50m rifle prone junior jong ki shynrang. Une u rangïalehkai u la lah ban kamai 615.8, ha kaba u la duna da ka 0.5 poiñ ban khur ïa ka takma ksiar pyrshah ïa u nongïalehkai ka Kazakhstan u Oleg Noskov.
Ha ka junior women’s 25m pistol, ka Sejal Kamble ka la lah ban pynpaw ïa ka jingtbit da kaba ka la kamai 580, hynrei ka la wan ha ka kyrdan ba-ar hadien ba u la lah ban siat 27 ïa ka sohpdung. Ïa ka takma ksiar la khur da ka Katsiaryna Ivanova jong ka Individual Neutral Athletes, kaba la lah ban tam da 31 poiñ.
Ka India ka la khur biang ïa ka takma rupa ha ka junior men’s 25m pistol lyngba u Raj Chandra hadien ba u la lah ban kamai 580, katba u Abhinav Deshwal u la khur ïa ka takma rnong da kaba kamai 578.
Ha la skeet, ki nongïalehkai ka India ki la lah ban pynpaw ïa ki sap ïalehkai bapher bapher. Ka Risham Guron ka la wan ba-ar ha ka junior women’s skeet da kaba kamai 115 poiñ, hynrei ka la pynkut da kaba ka la wan ha ka kyrdan kaba hynñiew. Ha ka junior men’s skeet, u Ishaan Singh Libra u la poi sha ka wat ba khatduh da kaba kamai 118 poiñ, hynrei um shym la lah ban khur takma hadien ba u la kamai tang 24 poiñ.
