UN, Iaiong:
Ka Iran, ka la pyniap ym duna ia ka 21ngut ki briew, naduh ba la sdang ka thma bad ka America bad ka Israel, ar bnai mynshwa bad ka la kem ia palat 4,000ngut, halor ki jing kynnoh ba iadei bad ka jingshngain jong ka ri, ong U Volker Turk, heh jong ka UN, kaba peit ia ka hok longbriew manbriew.
U Turk u la ong ba ym duna ia ka hynniew ngut ki briew ki la shah pyniap ha kaba ia dei bad ki jingiakhih ha u Kyllalyngkot, 10 ngut namar ka jingkynnoh ba ki dei ki dkhot jong ki kynhun pyrshah, bad arngut halor ka jingkynnoh ba ki dei ki nongsyntiat.
Ki bor synshar jong ka Iran, ki la pyniap da ki hajar ngut ki briew, ha ka por jong ki jingiakhih pyrshah sorkar ha u bnai Kyllalyngkot, kaba dei ka jingkulmar kaba jur tam hapoh ka ri jong ka Iran, naduh ka por jong ka Islamic Revolution jong ka ha u snem 1979. Ki kynhun kiba ïada ïa ka hok ki ong ba ka sorkar ka la bteng ban pynshitom beiñ ïa ki nongpyrshah ha ka por thma.
Ka Iran ha u Kyllalyngkot ka la kyntait ia ka jingpynrem jong ka UN Human Rights Council kum kaba “la pynlong sain pyrthei.”
Ha ka taiew ba ladep, ka Iran Human Rights kaba don ha Norway, ka la ong ba ym duna ia ka 3,646 ngut ki briew ki la shah kem, ha kaba ym duna ia ka 767 ngut ki la shah kem hadien ka jingsdang ?ka jingsangeh thma ha ka 8 tarik u Iaiong.
U Turk u la ong ba bun na ki hajar ngut kiba la shah kem “ki la shah pynduh jubor, shah pynshitom beiñ, ne shah pynshitom beiñ ha kiwei pat ki rukom leh be-ijot, bym long briew bad pynjah burom, kynthup ïa ki jingpynbor – bad teng teng la pyni ha ka telebishon – ki jingphla pop bad ki jingpynïap thok.”
U la ong ba ki briew shimet na ki jaitbynriew bad ki niam rit paid ki la don ha ka jingma kaba khraw.
“Da ki phew ngut ki koidi ki la shah pynkynriah sha ki jaka bym lah ban tip khlem da don jingtip eiei shaphang ka nusib jong ki, napdeng jong ki kynthup ïa u nongïasaid aiñ jong ka hok longbriew manbriew u Nasrin Sotoudeh,” u la ong.
U Turk u la ong ba ka jingkoit jingkhiah jong ka Nobel Peace Prize ka Narges Mohammadi, la iathuh ba ka la nang sniew hadien ba ka ngat ha ka jingpang klongsnam, bad ka jingpang jong ka, ka la nang jur shuh shuh, namar ki jingpang ba la slem bha kiba la don lypa, kiba mih na ka jingshah kem jong ka.
U Turk u la ïathuh ba ha Chabahar Prison, kaba don ha ka thaiñ shatei lam mih ngi jong ka Iran, la ïathuh ba ki bor pahara ki la pynïap ym duna ïa ka phra ngut ki briew bad pynmynsaw ïa 21 ngut hadien ba ki la ïakynduh ïa ki briew kiba pyrshah ïa ka jingpynsangeh slem ïa ka jingsam jingbam. U la ong ba sa arngut ki nongshah set ki la iap ha ka jingshah set ha kawei pat ka phatok, ryngkat bad ki dak ba ki la shah pynshitom bein.
