New Delhi, Iaiong:
Ki kompeni liengsuiñ ba paw jong ka India ki dang pynkhreh ban pyntreikam biang ïa ka jingtreikam ba pura ha Hamad International Airport naduh ka 1tarik u Jymmang, kaba long ka sienjam kaba kongsan ban pynlong thikna ïa ka jingpynïasoh liengsuiñ ha kane ka thaiñ.
Kane ka jingsdang biang ka long thik hadien ar taiew hadien ka jinghiar thma lang jong ki shipai jong ka US bad ka Israel ha ka 28 tarik u Rymphang kaba thmu ïa ki nongïalam ka Iran bad ïa ki jaka shna nuclear. Kane ka la nang kiew sha ka jingialeh kaba kham heh ha ka thain.
La khmih lynti ba lai tylli ki kompeni kit liengsuiñ ba heh jong ka ri India — ka Air India, ka Air India Express bad ka IndiGo — kin mihkhmat ban sdang biang, ban pynïasoh biang ïa ka Doha bad ki katto katne ki nongbah ba kongsan jong ka India bad ki jaka pdeng jong ka thaiñ.
Ka Embassy ka la pynpaw ba kane ka sienjam ka dei shi bynta jong ka jingpyrshang ba ïatreilang kaba kynthup ïa ki bor pynïaid liengsuiñ ha ka pyrthei kiba trei ban pynbeit ïa ki jingtreikam ha kane ka thaiñ.
Ha kajuh ka por, ka la maham ba ki por liengsuiñ ki dang sah hapoh ka jingïatreilang kaba dang ïaid shakhmat, kaba pynpaw ïa ka jinglong jingman jong ka jingïada kaba dang rit paid.
La bthah ïa ki nongleit nongwan ba kin ïakynduh bha bad ki kompeni liengsuiñ ban ïoh ïa ki jingtip ba thikna ha kaba ïadei bad ki por, ki jingtip shaphang ki jaka sah liengsuiñ, bad ka jinglong jingman jong ka jingpynrung liengsuiñ.
Watla ka la don ka bynta kum ka jingpyniasuk ha ka jingeh, hynrei ka Qatar kam shym la lait na ka jingktah jong ka.
