FIONA LAMARE
3rd YEAR BVSC & AH COLLEGE OF VETERINARY SCIENCE AND ANIMALHUSBANDRYSELESIH, AIZAWL MIZORAM Ka jinglamphrang
Ha Meghalaya bad ha ki jylla ka North-East, ka jingri syiar ha iing (backyard poultry) ka long ka lad jingïarap kaba kongsan ïa kiba bun ki longïing.Hynrei, kawei na ki jingpang kaba ju ktah jur ïa ki syiar ka dei ka coccidiosis.Kane ka jingpang ka lah ban wanrah jingduhnong kaba khraw lada ym shim khia ban peit bad sumar kloi.
Kaei ka Coccidiosis?
Ka coccidiosis ka dei ka jingpang kaba mih na ki parasite ba la tip kum ki Eimeria, kiba im ha ka kpoh bad ha ki bynta jingïaid bam ki syiar.
Kane ka jingpang ka ju ktah bha ïa ki syiar kiba dang rit (chicks), hynrei ka lah ruh ban ktah ïa ki syiar kiba heh.
Kumno ka saphriang?
Ka jingpang ka saphriang lyngba:
l Ka bam ne um kaba la jaboh da ki eit jong ki syiar.
l Ka jaka sah kaba sngem bad bym khuid.
l Ki tiar farm, juti ne ki briew kiba wanrah jingjaboh na shabar.
Ki dak ki shin:
Ki dak kiba paw ha ki syiar kiba pang ki long:
l Ka jingpynhiar snam.
l Ka jingduna ha ka jingbam bad ka jingkhlaiñ.
l Ka jinghiar ha ka jingpynmih pylleng (egg production).
l Ha ki case kiba jur, ka jingïap ruh ka lah ban jia
Ka jingma jong kane ka jingpang
Lada ym sumar ha ka por kaba biang:
l Ka pynhiar ha ka roi ka par jong ki syiar
l Ka wanrah jingduhnong ïa u nongri
l Ka lah ban pynïap bun ki syiar, khamtam ha ki por ba dang rit.
Ka rukom sumar (Treatment)
Lada lap kloi, lah ban sumar da:
l Ki dawai kum ka Amprolium, Toltrazuril lane ki sulfa drugs
l Ka jingai vitamin kum Vitamin A bad K ban pynkhlaiñ
l Ka jingïakhlad ïa ki syiar kiba pang na kiba koit
Ka rukom jingïada (Prevention)
Ka jingïada ka long kaba kongsan bha:
l Pynkhuid bha ïa ka jaka ri syiar
l Ka jaka ri kam dei ban long kaba sngem
l Pynkylla man ka por ïa u skum ne litter material
l Ai da ka bam kaba bha bad ka um kaba khuid
l Pyndonkam da ki vaccine ne anticoccidial drugs lada donkam
Ka jingkut
Ka coccidiosis kam dei tang ka jingpang kaba rit, hynrei ka dei
kaba lah ban ktah jur ïa ka kam ri syiar. Lada ngi shimkhia ha ka
jingïada, pynkhuid bad sumar man ka sngi, ngi lah ban tehlakam ïa kane
ka jingpang bad pynroi ïa ka kam ri syiar ha ka jylla.
