Kathmandu, Jymmang:
Ka India ka la kular ban bei pisa haduh 560.2 million da ka pisa Nepal naka bynta ban tei ïa ki 14 tylli ki skul ha ki 8 tylli ki district jong ka Nepal kiba la shah ktah ha u jumai, da kaba pynskhem biang ïa ka jingkular jongka na ka bynta ban tei pat ïa ka jaitbynriew Himalaya hadien ka jingshah pynjulor bad ban kyntiew ïa ka imlang sahlang.
Ka Central Level Project Implementation Unit-Education hapoh ka Ministry of Education and Sports jong ka Nepal ka la iasoi ia ki jingiateh ban tei ia ki 14 tylli ki skul ha kylleng ki 8 tylli ki district jong ka Nepal hapoh ka jingiarap jong ka sorkar India kaba long 560.2 million tyngka ka pisa Nepali, ong ka khubor na ka Indian Embassy ha Kathmandu.
Ïa ki skul yn tei ha Gorkha, Nuwakot, Dhading, Dolakha, Kathmandu, Kavrepalanchowk, Ramechhap bad indhupalchok district- ki thaiñ kiba mad ïa ka jingma kaba khraw tam na ki jingkhynñiuh jumai ha ka ri ha kine ki katto katne snem ba la dep.
Ka ri ka la sakhi ia ka jingkhynñiuh jumai kaba shyrkhei tam ha u snem 2015, kaba la shim ia kumba 9,000 ngut ki mynsiem briew ha katei ka por.
Ia ki skul yn shna katkum ki kyndon jong ka Sorkar Nepal na ka bynta ban tei pat ia ki skul kiba lah ban ialeh pyrshah ia ka jingkhie jumai. Ki jingtei kin kynthup ia ki academic block, ki kamra klas kiba don ki tiar, bad ki jaka pynkhuid ba kyrpang na ka bynta ki khynnah shynrang bad kynthei, la ong ka kyrwoh.
Kane kam dei ka sien kaba nyngkong ba ka India ka la shim ia kum kane ka sienjam. Haduh 70 tylli ki skul ha kylleng ki 8 tylli ki district bad ka Tribhuvan University Central Library ha Kathmandu la pyndep bad la aiti sha ka sorkar Nepal ha u Kyllalyngkot 2024 hapoh ka jingiarap shna thymmai jong ka India hadien ka jingkhynñiuh jumai.
Ka sorkar India ka la ong ba ka dang ïai bteng ban bteng ïa ka jingïatreilang bad ka Nepal bad ki tnad treikam jong ka na ka bynta ka roi ka par ha ka imlang sahlang jong ka jaitbynriew Himalaya, kynthup ïa ki projek shna thymmai hadien ka jingkhie jumai.
