New Delhi, Jylliew:
Haba batai ïa ki hynriew tylli ki nongbah ba la kiew kum ka Hyderabad, New Delhi, Mumbai, Kolkata, Chennai bad Bengaluru kiba long kum ki Engine bashisha jong ka ïoh ka kot jong ka ri, u Myntri Rangbah ka Jylla A Revanth Reddy ha ka sngi Palei u la khot ban thaw ïa ka “M6 Cities Taskforce”, katba u la kyrpad ïa ka sorkar pdeng ban bei pisa haduh T. 1 lak klur haman kawei pa kawei na kine ki nongbah.
“Kine ki hynriew tylli ki nongbah ki dei ki engine ba shisha jong ka ïoh ka kot, hynrei ki sahdien na ki nongbah baheh jong ka pyrthei. Kine ki nongbah ki don kumba 10 percent na ka jingbun briew jong ka ri India bad ki pynmih haduh shi bynta na ka saw bynta jong ka GDP jong ka. Ngi buh ka jingkyrpad ba kine ki bynta jong ka ri, kin shah pyntreikam bad kyntiew stet, da kaba kyrshn ïa ki ha ka rukom kumba long kiwei pat ki ri…kam long ka jingpynlut hynrei ka jingbei tyngka ha ki mar ki mata kiba pynmih ne pynïohnong, ban wanrah ïa ki lad aikam aijam bad kiba ïeng na ka bynta ka jingkiew ha ka roi ka par jong ka ri.”
Ïa kane u Myntri Rangbah u la kren ha ka jingïalang jong ka Governing Council kaba 11 jong ka Niti Aayog, kaba la pynïaid da u Myntri Rangbahduh ka ri u Narendra Modi ha Delhi.
U Revanth u la pan ruh ïa ka jingithuh bad ka jingïarap pisa na ka bynta ka Bharat Future City, ka jingïarap pdeng na ka bynta ka Hyderabad Metro Rail Phase 2, ka jingshna ïa ka surok bah kaba 12 lane sha Bandar Port na ka Future City, ka jingpynthymmai ïa ka wah Musi bad ka projek jong ka Regional Ring Road. U la pan ruh ban ai jingbit na ka CWC bad ka jingïarap pisa sha ka Palamuru-Rangareddy Lift Irrigation Scheme, ban ai ka jingkyrshan pisa ïa ka IIM na ka bynta ka Hyderabad bad ka jingïarap hapoh ka India Semiconductor Mission.
Ha kajuh ka por, u Myntri Rangbah u la pynskhem ba ka donkam ïa ka jingkylla ha ka pule puthi ha ka ri.
U la batai: “Ka jingwad bniah jong ka SEEPC ka la ïarap ïa ka sorkar Telangana ban pynkut ba ka rukom hikai kaba mynta ka don ki jingduna kiba khraw ha ka liang ka jingbha. Ka jingshaniah ha ka rukom hikai skul jong ka sorkar ka nang hiar. Ngi donkam ïa ka jingkylla kaba khraw ban pynkhreh ïa ngi na ka bynta ka pyrthei kaba kylla man ka por. Ka rukomk pyntreikam kaba mynta, ha kaba ïadei bad ka jingïohnong, ka lah ban thaw lyngba ki jingai jinghikai sha ki briew. Ha kaba ïadei bad kane, ka dei ka por jong ngi ban pynleit jingmut ha kaba ïadei bad ka jinglah bad ka jingmih mynta.”
Haba pynksan ïa ka jingdonkam ban pynroi ïa ki sap ki phong hapdeng ki samla, u Myntri Rangbah u la ong, “Ka sorkar Telangana ka la buh jingmut bha ban kyntiew ïa ka ïoh ka kot kaba bun rukom bad kaba bun jait. Ngi kwah ban bud ïa ka ‘China Plus One’, ha kaba ka Telangana ka la long ka dur jong ki ri ka pyrthei kaba lah ban shalan ïa ki mar ha kylleng ki karkhana. Ngi kwah ban thaw ïa ki jaka pynmih mar kumba long kiwei pat ki ri ka pyrthei ban lah ban wanrah ïa ki jingïatreilang bad ki jinglah ban pynroi ïa ka ïoh ka kot. Kum shi bynta ban kyntiew ha ka liang ki karkhana, ka jylla ka donkam ïa ka bor trei kaba khlaiñ bad kaba lah ban thaw ïa ka dor kaba shisha, kaba lah ban ïohi ha ka bynta jong ka karkhana, ha ki jaka shna tiar, ha ki jaka trei bad kumta ter ter.”
