Vijayawada, Jylliew:
Ha kaba ïadei bad ka jingkhmih bniah, la ong ba ka la don ka jingkiew kaba khraw sha ka roi ka par kaba neh bad ka koit ka khiah jong ki paidbah, ka jylla Andhra Pradesh, kaba la paw kum ka nongïalam ha ka ri ha ka jingkylla sha ki buit shet jingshet kiba khuid.
Ha ki khyndiat sngi jong ka taïew ba la lah, u Myntri Rangbah ka jylla u N.Chandrababu Naidu u la aiti thikna ïa ki Induction Stove bad ki tiar pyndonkam sha kawei ka Anganwadi Centre, kaba long ka por ba kongsan ha ka jingthmu jong ka jylla ‘Net Zero’.
Kum shi bynta jong kane ka jingpynshlur ba pura na ka bynta ka mariang, ka sorkar jylla ka pynbiang ïa ki Induction Stove bad ki tiar steel kiba bha sha baroh ki 44,346 tylli ki Anganwadi Centre ha kylleng ka Andhra Pradesh ha ka jinglut baroh kaba la kot sha ka T.32 klur.
Kane ka projek, kaba pynïasoh bad ka jingpyrshang kaba kham heh kaba dang ïaid shakhmat ban pyndap ïa palat 55,000 tylli ki jaka ha ka rukom ba pyndap, la buh ban pynroi ïa ki rukom shet kiba kham khuid, kham shngaiñ, bad kham sted ha kylleng ka jaka ai jingbam ba kongsan jong ka Jylla.
Ka Strategic Implementation Engine Energy Efficiency Services Limited (EESL), kaba treikam kum ka tnad pyntreikam ba kongsan hapoh ka tnad bording, ka la trei kum u budlum jong kane ka jingkylla.
Da kaba pyndonkam ïa ka rukom pyntreikam ba la pynshisha jong ka, ka EESL ka la don ka bynta kaba kongsan ha kaba pynkylla ïa ki thong jong ka jingshet jingbam ba khuid jong ka ri sha ki jingmih kiba lah ban ïohi, kiba don ha ka jaka. Lyngba ka jingthied marbam kaba heh, ka jingpynïaid ïa ka jingpynbiang marbam kaba paka, bad ka jingïatreilang kaba pyrkhing bad ki nongshim bynta, ka EESL ka la pynthikna ba kine ki lad shet jingshet kiba khuid kim long tang kiba lah ban ïoh hynrei ki long ruh kiba lah ban pynneh pynsah ïa ka ïoh ka kot.
U CEO ka EESL u Akhilesh Kumar Dixit u la ïaroh ïa ka sorkar Andhra Pradesh halor ka jingïohi jngai jong ka “ba shlur bad ba kiew shaphrang”.
U la ban jur ba ka jingïatreilang hapdeng ka Women Development and Child Welfare (WD&CW) Department bad ka EESL ka la ai bor ïa ki Anganwadi Centre da kine ki buit stad ha shuwa bha jong ki jingpynthut ïa ka jingpynpoi umphniang ha ka pyrthei.
Ka EESL mynta ka la khreh ban pyni nuksa ïa kane ka rukom shet jingshet kaba jop ban pynïaid ïa ka kam shet jingshet kaba kham heh jong ka India ha ki jylla kum ka Assam, MP, UP, Maharashtra, bad Bihar.
