Bengaluru, Risaw:
Ka Election Commission jong ka India ka la weng noh ïa ki kyrteng jong ki 716 ngut ki bar jylla, na ka thup jong ki nongthep vote ha Karnataka.
Ha Bengaluru North City Corporation, la weng noh ïa 545 ngut ki nong Nepal na ki 583 ngut ki nongthep vote ki bym dei hok ban thep vote.
Ha Dakshina Kannada distrik, la pyndam noh ïa ki kyrteng jong ki 40 ngut ki trai jylla, kiba kynthup ïa ka Nepal (17), UK (2), Canada (5), Australia (6), US (6) bad mar uwei na Netherlands, South Africa, Ireland bad Norway.
Ha Uttara Kannada, ki don 22 ngut ki arngut ki trai ri trai muluk kiba dei na Nepal, Pakistan, US bad Bangladesh kiba la shah weng noh na ka thup kyrteng.
Ha Udupi la weng ïa ki kyrteng jong ki 44 ngut ki bar jylla ba kynthup ïa kiba na Nepal, US, UK, France bad Canada. Ka Belgaum bad Hassan ki la buh ruh ïa ki briew na Nepal bad Sri Lanka.
Ki heh ka EC ki la lap ba ki trai jylla na US, Dubai, Australia, England bad Canada ki sah ha Bengaluru North City corporation ryngkat bad ki voter ID.
Ki heh ka EC ki la ong, “Ïa kine ki briew la buddien ha ka por ba ym shym la lap ïa ki jingtip jong ki ha ka snem 2002 bad la pyntreikam ïa ki phorm jingkheiñ jong ki ha ka por ba pynlong ïa ka jingbishar. Kine ki briew ki don ïa ka ID jong ki nongthep vote hynrei kim shym la lah ban ïasam ïa ki jingtip ba bniah jong ka sertiphiket skul, ki kot ki sla jong ki mar ki mata bad kiwei kiwei ki kot ki sla ba la buh kyrteng.”
