Lucknow, Jylliew:
Hapdeng ki jingkynnoh jong ka jingbym shimkhia bad ka jingpynslem ban leh ei ei ha ka por ba jia ka jingpluh ding ha Lucknow, ki heh jong ki tnad pynlip ding ha Uttar Pradesh ki la kynnoh ba ki trai jong katei ka ïing kim shym la leit sha katei ka tnad ha kine ki 13 snem ba la dep ban ïoh ïa ka No-objection Certificate (NOC).
Uwei u heh sorkar u la kynnoh ba katkum ka National Building Code (NBC), 2016, ki ïing sah ne ki ïing khaïi kiba jrong haduh 15 meter bad ka jaka ba la tei haduh 500 meter kim donkam ïa ka NOC.
Ka ïing kaba la jia ka jingpluh ka long kaba jrong kumba 12 meter bad ka jaka ba la tei ka long kumba 185 meter square. Une u heh sorkar u la bynrap ba ki kyndon jong ka NBC-2026 ki la pynheh ïa u pud sha ka 24 meter.
U heh sorkar u la ong ba ka tnad pynlip ding ka ai ïa ka fire NOC ne pynlong ïa ka Fire Audit tang haba u trai ïing u leit sha ka tnad lane haba ka ïing ka palat ïa ka jingjrong kaba la buh. .
Ha kajuh ka por, ki bor pynroi jong ka Lucknow ki la kynnoh ba la pynmih ïa ka hukum ban pynpra ïa katei ka iing ha u snem 2016, hynrei hadien la pynsangeh noh.
