Bengaluru, Naitung:
U Myntri Rangbah jong ka Karnataka u DK Shivakumar u la ong ba ka thong kaba la buh ka long ban pynlong ïa ka jylla kaba laitluid na ki drok bad lait na ka jingdih buaid ha u snem 2028.
U la kren hadien ba la plie ïa ka International Day against Drug Abuse and Illicit Trafficking 2026 programme ba la pynïaid da ka Karnataka State Police at Kanteerava Stadium ha Bengaluru ha ka sngi Ba-ar. Ki kmie ki kpa kim dei ban buhrieh ïa ka jingdih drok jong ki khun namar ka jingtieng ïa ka jingshah kdew kti ha ka imlang sahlang; lada ki leh kumta, kin pynjot ïa ka lawei jong ki khun jong ki.
Ha ka jaka kata, ki dei ban ai jingmut ïa ki bad ban leit sha ki pulit khnang ban lah ban lap ïa ka tynrai jong ka jingwanrah drok.
Kane kan ïarap ban ïada ïa ki khun na ka jinghap ha kine ki kynhun dih bad khaïi drok.
“Nga la bthah ïa ka tnad pulit ban pynthikna ba ïa ka jinglong jong kum kine ki khynnah dei ban buh rieh. Ïa kito kiba ai jingtip ba rieh shaphang ka jingdon jong kiba dih drok yn ai khusnam da ka tnad pulit. Kane kan ïarap ban pynjot pynpra ïa ki jaka pynpoi drok. Ka jingïakhun pyrshah ïa u drok kan ïada ïa ka ïing ka sem jong phi, ka shnong ka thaw, bad ïa ka jylla baroh kawei,” la ong u Myntri Rangbah.
