Srinagar, Naitung:
Ka jingkhynra ban lap ïa arngut ki lehnoh trai ri kiba don jingïadei bad ka Lashkar-e-Taiba (LeT) kaba la shah ñiew beaiñ ka la poi sha ki lai sngi haduh ka lah sngi U Blei ha ka distrik Shopian jong ka Jammu & Kashmir, ha kaba ki bor pahara ki dang bteng ïa ka jingkhynra kaba jur ha kawei ka kper soh kaba heh ha kaba la lap ïa kitei ki arngut.
Ka jingwad ka la sdang biang ha ka jingshai kaba nyngkong hadien ba la pynsangeh noh shimiet. Ïa kine ki arngut ki lehnoh la lap da ki kor peitngor ha ka sngi Thohdieng ha kawei ka kper soh ha ka thaiñ Meemandar, kaba kynthup ïa ki hynriew tylli ki shnong.
Ka kynhun ba ïatreilang kaba kynthup ïa ki bun tylli ki kynhun shipai, ki pulit ka Jammu & Kashmir, bad ki pulit jong ka Central Reserve ki la pynneh ïa ka jingker kaba pyrkhing bha ha kylleng ki jaka. Haduh ka janmiet jong ka Sngi U Blei, ki bor pahara ki la pynkhuid ïa saw tylli na ki hynñiew tylli ki shnong, la ïathuh ki heh pulit.
Kine ki arngut ki lehnoh kiba la shah thwet ki dei kiba la tip kyrteng kum u Latif bad u Zakir. Ki la siat ïa ki shipai ka tnat Army kiba la wan shajan, kiba la pynphai kylla, kaba la pynmih ïa ka jingïasiar kaba markyliang, la ïathuh ki heh pulit.
