Shillong, Nailur 20
Ka Mylliem Lum ka la pyni ïa ka jingkhlaiñ bor da kaba ka la thap haduh 5-0 pyrshah ïa ka Pohkseh SC na ka bynta ban khur jingjop ha ka lympung ïalehkai First Division Football League 2026 ba la pynïaid da ka Shillong Sports Association, ha ka sngi Saitjaiñ.
Ha kane ka jingïakhun kaba la long ha SSA Stadium, ka Mylliem Lum ka la lah ban pynpaw ïa ka jingtbit ha kaba u Eliastar Nongsiej u la khur ïa ka hat-trick da kaba thep ha ka mint kaba 4, 47 & 55. Katba ïa kiwei pat la thep da u Fairly Nongkhlaw (54) bad u Jospar Kurbah (60).
