Jowai, Nailur 20
Ka Maskut bad Laru SC ki la khur jingjop ha ka 2nd Division ba la pynïaid da ka Thadlaskeiñ Sports Asociation (TSA) ha ka sngi Saitjaiñ ha Multi Sports Complex.
Ha ka jingïalehkai kaba nyngkong, ka Maskut ka la pynliem da 3-1 kol ïa ka Maitchaphrang FC. Ïa kine la thep da u Marlei Kharsati (3), Nangai Ryngkhlem (57), bad u Phrangsngi Ryngkhlem (67), katba ïa ka shi kol ka Maitchaphrang la thep da u Marle Muruh (27).
Haka jingïalehkai kaba bud, ka Laru SC ka la jop da 6-1 kol ïa ka Niriang Pdienlum. Kane ka la wan lyngba ki kol ba la thep da u Steven Khriam (8 & 19), Army Tamu (24 & 30), bad u Raplang Dkhar (41 & 49). Katba ïa ka shi kol jong ka Niriang Pdienlum la thep da u Blessing Suting (16).
