Shillong, Risaw 07
Ka All Meghalaya Taekwondo Association (AMTA) ka la lah ban pynlong ïa ka prokram jied nongïalehkai na ka bynta ka India G1 Ranking Championship kaba long kawei na ki kyrdan ïalehkai jong ka World Taekwondo (WT), ha training hall jong ka Dronacharya Assam Rifles kaba ha Laitkor ha ka sngi Saitjaiñ.
Ïa kane ka G1 Ranking la mynjur da ka World Taekwondo bad yn pynlong da ka India Taekwondo, kaba long ka synjuk ïalehkai kaba la ïoh ka jingithuh na ka World Taekwon-do. Te kumta ïa katei ka lympung yn pynlong ha Pune ha u Naiwieng 2026.
Kane ka long ka sien kaba nyngkong eh ba ka Jylla ka la ïoh ka lad sha ka World Taekwondo Ranking. Ki nongjop ha kane ka G1 kin kamai poiñ kaba long katkum ka World Ranking point – kata 10 poiñ ïa kiba khur ïa ka takma ksiar, 6 poiñ ïa kiba ïoh takma rupa bad 3.6 poiñ ïa kiba khur takma rnong.
Na ka bynta ka Meghalaya, ki khynnah shynrang bad kynthei ki ban mihkhmat ïa ka Jylla ha ka Kyorugi (Fight) bad Poomsae kin ïoh ïa la ki jong ki kyrdan ha katei ka lympung ïalehkai bar ri.
Kane ka jingjied ka dei ka sienjam kaba kong -san ïa ka AMTA ban buh ïa ka Meghalaya Taekwondo ha ka map jong ka pyrthei bad ban pynthikna ïa ki lad ki lynti ha ka lawei ha ki jingïalehkai National Games, Asian Cham-pionship bad shaduh ka Olympic.
Te kumta na ka liang ka AMTA ka la pynpaw ka jingai khublei ïa ki synjuk ïalehkai jong ki district, ki kmie ki kpa bad ki nongïalehkai halor ka jinglah ban pyn -long ïa kane ka prokram jied kaba jop.
