Shillong, Risaw 07
U rangïalehkai ‘dien ka Nongkseh S&CC, u Banpynkhrawnam Nongkhlaw u la mih noh na ka klob jong ka Shillong Premier League na ka bynta ban leit ïasoh sha ka Subansiri United kaba na Arunachal Pradesh.
Une u rangïalehkai u dei uba la don bynta ban khur ïa ka nam lahduh na ka bynta ka Nongkseh ha ka First Division 2025, kumjuh ha ka SSA Champions Cup bad ha ka 5th Meghalaya State League.
Watla une u rangïalehkai u la ïoh ban mihkhmat ha ka Shillong Premier League 2026, hynrei u la jied ban ïakhlad lok noh bad kane ka klob ka nongbah naduh u Nailar mynta u snem.
Lah ban kdew ka Subansiri United ka dei ka kynhun kaba ïashim bynta ha ka Indrajit Namchoom Arunachal League bad ka la wan ha ka kyrdan ba-ar ha u snem ba la lah.
Kum ban shu pynkynmaw u Banpynkhrawnam u la mihkhmat na ki katto katne ki klob ka nongbah. U la mihkhmat na ki klob kiba don ha kylleng jong ka ri India kum ka Churchill Brothers, Kenkre, Rajasthan United bad ka Diamond Harbour.
