Ka ktien u Blei ka ong ba u Blei u khlem wan ban pynduh ïa ki hukum hynrei ban pynskhem ïa ki (Math 5 : 17). Ki hukum naduh mynbarim na ka jutang barim ka ktien u Blei ym shym la pynduh hynrei dei ki riewniam kiba kren lamler ba la pynduh ïa ki hukum kiba rim. Kumta u Blei u la ong, kine ki briew ki burom ïa nga da la ki rmiang shyntur hynrei ka dohnud jong ki te ka jngai na nga.
Hynrei ki mane thala ïa nga naba haba ki hikai ki jinghikai ïa ki hukum jong ki briew, naba haba phi iehnoh ïa ka hukum u Blei (Markos 7 : 6-7). Khamtam ki hukum kiba kham kongsan kiba hap ha ki SHIPHEW hukum kiba ong, Men ym thaw bleithaw ïalade lymne ïa ka dur jong kaei kaei ruh kaba don ha bneng sha jrong. Kynmaw ïa ka sngi Sabbaton ban rakhe khuid ïa ka. To burom ïa la u kpa bad ïa la ka kmie ba kha, Men ym pynïap, Men ym klim, Men ym tuh, Men ym sakhi lamler ïa u para marjan jong me bad bun kiwei kiwei ki hukum kiba u Blei u la ai ban sumar bad ri khuid ïa ki. To ai ba ki kynthei jongphi kin sngap jar ha ki balang, namar ka long kaba khlem akor keiñ ïa ki kynthei ban kren ha ka balang (I – Korinth 14 : 34 – 35). Wat khot ruh u kpa jongphi uba ha bneng (Math 23 : 9). Naba kawei ruh ka ktien na u Blei kan ym long khlem ka bor. Ka bneng bad ka khyndew kin duh noh hynrei ki ktien jongnga kin ym duh noh. Hynrei kan kham jem ïa ka bneng bad ïa ka khyndew ban dam noh ban ïa ka ban duh noh iwei uba khun khyndiat na kata ka hukum (Lukas 16 : 17). Kumta naduh jutang barim haduh ka jutang ba thymmai ki ïai sah khlem jingkylla. Dei manga ki briew kiba kylla khlieh kylla tdong. Kine ki long ki hukum bad ki adong kiba u Blei ula buh ha ngi ki briew.
C. B. Iawphniaw
