Kane ka long ka jinghiar pateng na ka doh ka snam u Kpa ym na ka Kmie, sngewbha buh jingkynmaw ba shi para trai dei na ujuh u kpa bad kajuh ka kmie. Haba ïapher u kpa ym dei shuh shipara trai, wat lada dei na kajuh ka kmie ruh. Namar ka snam na u symbai ka ïapher na uwei u briew na uwei pat. Kumta ïa ki khun na kajuh ka Kmie bad ïapher ki kpa la tip noh kum shi para ar kpa lai kpa. Lada ïapher ka Kmie ujuh u kpa dei hi shipara trai na ka blood Relationship lyngba ka doh ka snam.
Ngim dei ban sngewthuh bakla ïa kane kaba la buh symbai Blei nongbuh nongthaw nongpynlong ïa ngi ki briew. Dei na kane ka daw ba ka dei ka hok ïa ki khun shynrang – kynthei ban ai jait sha u kpa uba ai symbai, ym sha ka kmie ba pun ba kha.
Namar ha ka dustur jongngi ki Khasi ka long khyllah ïa ki khun na ki kpa bym dei Khasi la ai sha ka jait ka Kmie, bym dei ka snam ka doh paka u khun Khasi Khara.
Kane ka long kaba bakla shibun bah. Hooid ïa ki khun para Khasi kata u kpa Khasi bad ka Kmie Khasi ka dei ka hok ban ai jait sha ka Kmie. Hynrei ïa ki khun shipiah bym dei Khasi ym dei ha ka jingshisha ban ai jait sha ka Kmie. Ka hok longbriew manbriew ka dei ban sngewthuh ïa kane ka jingshisha ha ka shongkha shongman.
C. B. Iawphniaw
