France, Risaw:
Katkum ki khubor, la iathuh ba katei ka bos rit ka la iatyngkhuh bad kawei ka rel kaba ieng ha ka jingkhang jong ka Channel Tunnel ha France ha ka janmiet Sngi Palei, ha kaba u nongniah bad 18 ngut ki nongleit nongwan ki la mynsaw.
La iathuh ba 5 ngut ki la mynsaw jur watla ym shym la paw ba ka jingim jongno- jongno ka don hapdeng ka jingma, la ong u heh jong ka thaiñ ha ki nongthoh khubor.
Katei ka bos rit ka dei kaba kit ïa ki nongñiah trok kiba thmu ban leit jingleit da ka rel lyngba katei ka lynti ïaid ‘tunnel’. Kumta, ki briew jong ka kynhun iarap ba kyrkieh ki la leit her mar-mar sha katei ka jaka ban pynbit- pynbiang ïa ki jingdonkam baroh ha ka por kaba biang. Ar tylli ki rel kiba don ha ka jingleit lynti jong ka Eurostar jong ka tunnel hapdeng ka France bad ka England ki la shah pynsangeh noh ha katei ka janmiet jong ka Sngi Palei.
Bad la ong ba u Deputy Prefect jong katei ka thaiñ, un ai jingpynshai ha ka jingïalang bad ki nongthoh khubor, ha ka jaka treikam jong ka Eurotunnel, kaba don hajan, ha ka por 10:30 baje mynstep (2030 GMT).
