Saudi, Risaw:
Ka Saudi Arabia, ka la rai pynïap ïa ki arngut ki nong Bangladesh, kiba la shah rai pynrem, namar ba ki la leh ïa kaei kaba ki bor synshar, ki la kdew kum ka “jingleh khlem akor” hapoh kawei ka mosque ha Mecca, ha kaba ka consulate jong ka Bangladesh ha Jeddah, ka la ong ba kam shym la ïoh jingtip lypa halor kitei ki jingshah pynïap, ong ka khubor jong ka khubor jong ka Bangladesh, The Daily Star.
Kine ki jingpyniap briew ki la jia ha ka thain Mecca, ong ka kyrwoh ba la pynmih da ka tnat kam poh iing ka Saudi ha ka sngi thohdieng bad ba la pynmih da ka tnat pathai khubor jong ka sorkar Saudi (SPA).
Naduh katei ka por, ka Consulate General jong ka Bangladesh ha Jeddah, ka la leit sha ki bor synshar jong ka Saudi Arabia, na ka bynta ban pdiang ïa katei ka kam.
“Ïa ka consulate ym shym la pyntip lypa da ka tnat”, la ong uwei u heh jong ka mission ha ka khubor jong ka The Daily Star ha ka WhatsApp ha ka sngi Thohdieng.
“Ha kane ka bynta, ngi la aiti ïa ka jingthoh ba la thoh da ka ktien sha ka tnat kam bar ri jong ka Saudi, da kaba kyrpad ïa ka jingpdiang kaba pura ïa kane ka kam,” la bynrap biang une u heh sorkar.
Ka tnat kam pohïing jong ka Saudi Arabia ka la ithuh ïa kine ki briew kiba la shah pynïap kum u Nazerul Islam Abdul Basir bad ka Siti Akhtar.
Katkum ka jingong jong katei ka tnat, ki bor pahara jong ka Saudi ki la kem ïa kitei ki arngut shwa ba ka jingtohkit kan pynlong ïa ki ban pynngat mukotduma pyrshah ïa ki. Hadien kata la phah ïa ka mukotduma jong ki sha ka iingbishar kaba tbit.
Ka kashari ka la lap ba la pynshisha ïa ki jingkynnoh bad ka la rai pynrem iap ïa baroh arngut, la ong ka tnat.
