Shillong, Risaw 18
Ka lympung ïalehkai First Division Football Tourna-ment 2026 ba la pynïaid ka Tyrsad Area Sports Association (TASA) ka la nangjam shaphrang ha kaba baroh saw tylli ki kyunhun ki la ïasam mar shi poiñ hadien ba ki la kut ha ki jingïakhaid ha ka sngi Saitjaiñ ha madan Mawlum Tyrsad.
Ha ka jingïalehkai hapdeng ka Umkseh SC bad ka Mawkynroh SC ki la ïakhaid mar 1-1 kol. Ka Umkseh ka la pynkhih jar nyngkong lyngba u Teidorlang Rani ha ka minit kaba 20, hynrei ka Mawkynroh ka la lah ban pynphai kylla lyngba u Fourstar Marweiñ (60).
Haba phai sha kawei pat ka jingïakhun hapdeng ka Mawsawrit bad ka Nongspung ki la ïakhaid mar 1-1 kol. U John Danial Nomial Nong -siej (50) u la pynkhih jar nyngkong eh lyngba ka Nongspung, hynrei ka Mawsawrit ka la lah ban pynïakhaid kylla lyngba u Balkistar Umdor (60).
Kane ka lympung kan bteng biang ha ka 21 tarik mynta u bnai ha kaba ka Umkaber SC kan ïakynduh pyrshah ïa ka Rang-shangkham SC ha ka por 12:30 mynsngi bad ka Thaiñthynroh SC ïa ka Wahlyngkien Sunei SC ha ka por 3 baje janmiet.
