Washington, Risaw:
U ‘Mother of All Bombs’ uba la ju tip paidbah kum u GBU-43/B Massive Ordnance Air Blast (MOAB) u dei uwei na ki bom ba khlaiñ bor tam ba la shna da ka ri America. Kane ka tiar ka khia kumba 10,000 kilogram bad la shna ïa ka ban pynpra ïa ki thong shipai kiba heh da ka jingbthei kaba khlain bha.
U GBU-43/B MOAB u dei u bom uba la pyniaid da ka GPS uba la shna da ka US Air Force Research Centre.
Ka jingkhia jong u, ka long kumba 9,800 kilo, ka jrong kumba 9.1 meter bad u don kumba 8,480 kilo ki tiar pynbthei.
Une u bom u pynmih ïa ka jingbthei kaba iaryngkat bad kumba 11 ton ka TNT. La shna ïa ka ban thmu ïa ki jaka jong ki nongshun, ki tiar shipai bad ki jaka kiba heh kiba don ki shipai nongshun.
Ym kum ki tiar nuclear, ka MOAB ka pyndonkam da ki tiar pynbthei ba la ju pyndonkam bad kam pynmih ïa ki jingbthei kiba shyrkhei.
Katkum ka khubor jong ka CNN, la shna bad test ïa kane ka tiar ha u snem 2003.
Ka kyrteng thikna jong utei u bom ka dei ka Massive Ordnance Air Blast, ïa kaba la pynlyngkot kum ka MOAB.
Hynrei la tip paidbah ïa u, kum ka ‘Kmie jong ki Bom Baroh’ namar ka jingheh kaba khraw bad ka bor pynjot jong ka. Katei ka kyrteng thymmai, ka pynkynmaw ruh ïa kawei ka kyntien, kaba la pyndonkam da u nongialam barim ka Iraq, u Saddam Hussein, uba la batai ïa ka thma Gulf War ha u snem 1991, kum ka ‘kmie jong ki thma baroh’.
Ka jingkren ka la pawnam bha bad bunsien la pyniadei bad ka kyrteng bym tip jong ka tiar.
Ka shipai suin jong ka US ka la kam ïa katei ka kyrteng thok ha ka jingthoh jong u bnai Lber jong u snem 2008 kaba la ai kyrteng San Snem Hadien, La Dang Tip Ia Ka kum ‘Ka Kmie jong ki Bom Baroh’.
