Kyiv, Risaw:
U President ka Ukraine, U Volodymyr Zelensky, ha ka Sngi Palei, ban pynïasoh ïa ki paralok jong ka Europe, hadien ba u la iathuh ba ka Ukraine, kan nym kohnguh shuh ïa ki jingdawa jong u President jong ka America, U Donald Trump, ban nym pynthud ïa ki karkhana saiñ umphniang jong ka Russia.
Namar la ong ba ka jingïadei hapdeng ka Ukraine bad ka United States ka la nang tlor naduh ka taiew ba la dep, ha kaba u Trump u la pynjem ïa ki jingpynjari kyndon ïa ka Russia kum ka jingsiew kylliang ïa ka Russia ba kan pyllait ïa ka umphniang diesel kaba bun, sha ka ïew jong ka pyrthei.
Ka jingbitar ha Ukraine ka la nang jur shuh shuh namar ka jingpynthut ïa ka kor satellite kaba kongsan bha kaba la pynbiang da ka US kaba la pynthut ïa ka jinglah jong ki shipai jong ka ban ïakhun pyrshah ïa ki jingbthei bom ba jur jong ka Russia.
Halor ka jingïakynad kaba khatduh jong u bad u Trump, u Zelensky u la ïakynduh ïa u heh ka NATO u Mark Rutte ha Brussels bad u la pynlong ïa ki jingïalang ba arliang mamla bad ki nongïalam ka Europe shwa ba un leit ban ïashim bynta ha ka jingïalang jong ka EU ha ka sngi Palei.
“Ka long kaba kongsan khamtam mynta ban iatreilang ban iada ïa ki jingim.”
Ki nongïalam jong ka Europe, ki la bret ïa ka jingkyrshan jong ki shadien jong u Zelensky, katba ki dang khmih lynti ban ïakhun pyrshah ïa ka eriong kaba thymmai ha ka jingïadei kaba sniew jong u Trump bad ka Kyiv.
U President ka France, U Emmanuel Macron, ha ka sngi Thohdieng, u la ong ba ka long kaba donkam eh ba ka Ukraine kan ïoh ïa baroh ki lad ki lynti kiba donkam ban ïada ïalade, hadien ba ka la ïakynduh ïa u Zelensky.
“Nga lah ban pynthikna ïa phi, ki paralok ba ieid jong ka Ukraine bad u President Zelensky: PHI KHLEM LONG MANGWEI” ong u Myntri Rangbahduh jong ka Poland, U Donald Tusk ha ka online.
