Chandigarh, Risaw:
Ka jingïakhih bording ha Haryana ka lah ban kut noh mynta ka sngi katba u Anil Vij u tyrwa ban pyndonkam ïa ka kyndon 108.
Katei ka jingïakhih ka la sdang hadien ba ki nongtrei bording ki la pyrshah ïa ka jingthmu jong ka Sorkar Jylla ban aiti ïa ki kam sam bording ha ki ar tylli ki District sha kawei ka kompani shimet.
Ka jingïakhih ka la pynthut ïa ki jingshakri, kaba la pynlong ïa ki nongthied ban ïakynduh jingeh. U Vij, u la ong ba ka sorkar ka long kaba la pynkhreh ban pyrkhat ïa ka jingdawa jong ki nong trei ban pyndonkam ïa ka kyndon 108 jong ka aiñ bording, 2003, ha kaba iadei bad ka jingthmu ban pynlong shimet ïa ka kam.
Haba kren ha Panchkula, u Vij u la ong ba u la ïakren bad ki nongmihkhmat jong ki nongtrei bad u khmih lynti ba katei ka jingïakren kan long kaba seisoh.
