New Delhi, Risaw:
Ki pulit pynïaid kali jong ka Delhi ki la pynbna ïa ki jingkhang ïa ki bos kiba rung sha ka nongbah ka ri kiba pynmih ia ka lyer jaboh ha kaba hapoh ki kyndon ba thymmai, yn shah tang ïa ki bos elektrik, CNG bad BS-VI diesel ban ïaid, katkum ki kyndon ba la buh.
Ki bos ki bym shim bud ïa ki kyndon yn pynsangeh bad pynkylla lynti ha ki khappud jong ka Delhi. Ha ka sngi thohdieng ha ka jingïalang kaba la pynïaid da u Special Commissioner of Police (Traffic) u Ajay Chaudhary la rai ban pyntreikam ïa ka Stage-I jong ka Graded Response Action Plan (GRAP) bad ban pyntreikam ïa ki jingbthah ba la pynmih da ka Commission for Air Quality Manag ement (CAQM).
Ki pulit pynïaid kali ki la ong ba ki bus ki bym kohnguh ki dei ban sangeh shwa ban rung shapoh sor.
Ka jingailad ïa kum kine ki kali ban rung shapoh Delhi bad nangta ban pynphai pat ïa ki, ka lah ban wanrah ïa ka jingdheng kali bad ban pynjur ia ka jingjaboh.Ka Delhi-NCR ka rung ha ka jaka ‘ba sniew’ ka lyer katba ka AQI ka kiew sha ka 244.
Ki bor pynïaid ki la rai ruh ban buh ia ki dak kiba paw ha ki jaka rung khappud jong ka Delhi khnang ba ki nongñiah kali kin ïoh jingtip lypa shaphang ki jing khang.
Ki pulit pynïaid kali kin pynshitom ruh ïa kito ki kali kiba kit ïa ki tiar shna bad pynpra ïing kiba pynkheiñ ïa ki kyndon ba la buh bad yn bthah ruh ïa ki kali ban pynbiang ïa ki kot ki sla ïoh lah ban donkam ha kano kano ka jaka.
