Ki Dorbar shnong ki long kum ki mawdong ka jaidbynriew. Dei ki dorbar shnong kiba pynneh pynsah ïa ki dustur ki riti ka jaitbynriew, haba tlot ki dorbar shnong ka jaitbynriew ka tlot. Haba kdiah ïa ka iktiar jong ki dorbar shnong ka dustur ka riti ka lah ban duh. Namar ha ri Khasi jongngi ki dorbar shnong ki dorbar Raij, bad ki dorbar Hima ki dei ban ïeng rasong ban ïada ïa ka imlang ka sahlang kaba la pruid dak u longshuwa u manshuwa. Ki dorbar shnong kim dei ban shah teh mraw ha ka rukom pynïaid synshar khadar hapoh ki hima, ki elaka bad ki shnong ki thaw. Haba im ki dorbar shnong ka ri bad ka jaitbynriew ruh ka im. Kumta ngi dei ban pynneh pynsah ïa ki dorbar shnong hapoh ka ri, khnang ba ka jaitbynriew u Hynñiewtrep kan kiew irat na ka por sha ka por khlem shah kyrñion ha ki bor u nongwei nongar. Ki dorbar rain ki dorbar hima ki dei ban neh khnang ba ki dustur ki riti ruh kin neh khlem pynkylla da kumwei pat. Ka jaitbynriew ruh ka khlaiñ haba khlaiñ ki hima, ki Elaka bad ki shnong ki thaw.
C. B. Iawphniaw
