Oslo, Naiwieng:
Uwei u nongleit rung tuh uba don jingithuh u la lah ban rung shapoh katei ka ïing syiem jong ka Norway ha ka jan miet jong ka Sngi Thohdieng bad u la ïakynduh ïa u khun jong ka mahadei, uba dang shah set along hapoh ka ïingsah jong u tad haduh kine ki sngi, u Marius Borg Hoiby, 29 snem ka rta, u khun jong ka Mahadei Mette-Marit, u don hapoh ka ïing sah jong u, kaba don ha phyllaw jong ka ïing syiem.
Bad katkum ki khubor, la iathuh ba u Hoiby u dang shon dur bad sngap jingrwai haba u la iohsngew ïa ka jingkyndar jingkhang bad ka jing kynjat kaba jur ha ka jingkhang ba shakhmat jong katei ka iingsah jong u. La ong ba ha katei ka por, u Hoiby um shym la bna eiei ïa kum katei ka jingjia bad kumta u dang plie ïa ka jingkhang ban peit thuh ïa ka jinglong- jingman na ka jingsawa kaba mih shabar, ha kaba
utei u bym u briew don jingithuh
Ka lad pathai khubor jong ka thaiñ ka la kdew ba u Hoiby u la pynher stet ïa u nongwan rung tuh shabar, da kaba pynbor met ïa u ban jngai na ka jingkhang shwa ban pyntip sha ki bor pahara.
Ki bor jong ka aiñ ki la poi ha katei ka jaka bad ki la kem ïa uwei u briew uba don hajan katei ka jaka. Ki nongmihkhmat jong ka tnat pahara jong ki pulit jong ka Norway ki la pynthikna ïa ka jingshah kem hynrei ki la kyntait ban ïasam ïa ki jingtip ba bniah ha kaba ïadei bad ka jingthmu kaba lah ban long.
“Ngi lah ban pyntikna ba ngi la ioh kem ïa uwei u briew bym don jingithuh najan ka ïing jong u Hoiby ha ka miet Sngi Thohdieng,” ong u Eirik Veum na ka tnat pahara jong ki pulit jong ka Norway ha ka tnat pathai khubor jong ka Norway NRK. “Nalor kata, ngim don jingkynthoh ei ei.”
U nongïasaid aiñ jong u Hoiby, u Alexander Greaker, u la pynpaw ba katei ka jingjia ba sngew syier, ka la pyntieng pynsyier ïa utei u khun syiem bad ka la wanrah ruh ïa ka jingsgnewkhia na ka liang ka ïing ba ki bor ba dei khmih ha katei ka thaiñ.
