Washington, Naiwieng:
Katkum ka jingïakren barim jong u Jensen Huang kaba la mih biang ha kaba u la ïada ïa ka rai jong ka Nvidia ban shalan ïa ki chips sha China, kawei na ki nongïaleh pyrshah ba khraw tam jong ka America ha ka jingïakhun AI. U Huang, uba la iehnoh ïa ka kam CEO jong ka Nvidia, hadien ka jingkynnoh ba u la don ka jingiadei sop-sop bad kawei ka nong China kaba thmu ban tuh buit ban ioh leit rah sha China.
Hadien ka jingpynbor kaba jur da u Huang, ka sorkar Trump ka la ai bor ban die ïa ki chip H-200 jong ka Nvidia sha China, da kaba pynphai biang ïa ki kyndon ïada ri jong u Biden ba la wanrah ha ki katto- katne snem mynshwa.
Haba pynshai ïa ka rai jong u sha u Dwarkesh Patel, u Huang u la kynthoh ba um kwah ban sangeh ban die ïa ka jingtyrwa jong ka Nvidia ha kano- kano ka jaka, kynthup ruh ha China.
“Balei ba ngim wanrah ïa ka kyndon kaba kham iahap khnang ba ka NVIDIA kan long kaba sei-soh bad ba ïaid iew tam ha kylleng ka pyrthei ha ka jaka ban duh noh ïa ka iew khaïi jong ka pyrthei? Balei phin kwah ba ka ri America kan duh noh ïa ka iew ba kodor tam jong ka pyrthei?” ong u Huang.
Haba la kylli lada ka jingdie ïa ki AI chips sha ka China ka long kumba aibor ïa ka North Korea, u Huang u la ong ba kane ka long tang kum ka jingïanujor kaba kamkai bad u la bynrap ba kam don jingmut ei ei ruh ban iakren halor kane.
