Rome, Naiwieng:
U heh ka tnat pule- puthi ha ka Sngi Palei u la iathuh ba palat 300 tylli ki skul ha Italy la khang khyrdep bad pynkynriah noh ha ka Sngi Balang hadien ba la ioh ïa ka jingbyrngem pynbthei bom.
Kane ka jingpynbna ka la wan ha ka por ba dang jur ka jingsngewkhia ha Europe halor ki jingma kiba la khot ki ‘hybrid warfare’ kiba la ktah jur ïa ki dukan heh, ki jaka buh snam, ki tnat liengsuiñ bad ki nongpynbna TV.
U Myntri ka tnat pule- puthi jong ka Italy, u Giuseppe Valditara, u iathuh ha ka La7 TV channel, ba ki don 300 tylli ki skul, kiba la shah ktah ha katei ka jingbyrngem pynbthei bom, ha kaba u la bynrap ba katei ka jingkheiñ, ka lah ban nang kiew shuh shuh.
“Hadien ka jingbyrngem pynbthei bom ha baroh kawei ka ri, ngi kwah ban pyntip ïa phi ba ïa baroh ki khynnah skul la rah sha ka jaka kaba shngaiñ bad ki dang iai don hapoh ka jingkhmih jong ki nonghikai bad ki bor pyniaid ba la buh ban peit bniah halor katei ka kam,” la pyntip kawei ka skul na ka nongbah Rome sha ki kmie ki kpa jong ki khynnah skul.
Ha katei ka shithi ’email’, la soi da u Mikhail Andropov, u nongialam jong ka Vilayat jong ka kynhun Misoginistan katkum ka khubor na ka sorkar kaba don jingtip halor katei ka kam.
Ia mynta, u Lamphang jong ka tnat pulit na Rome, u la iathuh ba ki tnat ba dei khmih ki dang pyniaid ïa ka jingtohkit haba iadei bad katei ka kam.
