New Delhi, Rymphang:
Na ka liang jong ka synjuk pyniaid jing-ialehkai Badminton ka ri ka Badminton Association of India (BAI), ka pynbna paidbah ia ki kyrteng jong ki 20 ngut ki dkhot jong ka kynhun ialehkai ka ri na ka bynta ki ar lympung ialehkai ki ban wan; kata ka Dutch Junior ka ban sa long ha u bnai Lber naduh ka 1-7 tarik ha Haarlem bad ka German Junior ka ban sdang naduh ka 8-12 tarik utei ujuh u bnai ha Berlin.
Kumta ha kaba iadei bad katei ka bynta, u Manraj Singh bad ka Rakshitha Sree S. ki long napdeng kiwei pat ki nongialehkai ka ri ha ka kyrdan Junior kiba lah ioh ban rung sha ka thup kyrteng jong ka kynhun ialehkai ka ri hadien ba ka BAI ka lah dep ban pynlong ia ka rynsan pyrshang ba saw sngi na ka bynta kitei ki ar lympung ialehkai ba nyngkongeh jong une u snem ba mynta.
Ha ka rynsan pyrshang ia kaba lah pynong hapdeng jong ka 24 bad 27 tarik u bnai ba lah dep, u Manraj u lah wan ha ka kyrdan ba nyngkong na ka kyrdan jong ki shynrang ha ka jingiakhun paramarwei bad ka Rakshitha Sree S. ka ioh ban bat ia ka kyrdan ba nyngkong napdeng ki kynthei. <
Ha ka jingiakhun ba mar arngut ki shynrang, u Bhavya Chhabra-Param Choudhary & u Divyam Arora-Mayank Rana kin pynkhreh na ka bynta ka jingiakhun ha kitei ki lyumpung kum kiba bat ia ka kyrdan ba-ar ha katei ka kyrdan ialehkai ki shynrang.
Kumjuh ruh ka Vennala K.-Shreyanshi Valishetty kiba mihkhmat ia ka ri ha ka Badminton Asia Junior Championships 2022, kin mihkhmat ia ka ri na ka kyrdan iakhun ki kynthei ryngkatlang bad ka Vaishnavi Khadkekar-Sania Sikkandar.
Kumjuh ruh ha ka kyrdan ialehkai ba mar shijur, yn sa mihkhmat ia ka ri da u Arulmurugan R.-Srinidhi N. bad Sathwik Reddy K.-Vaishnavi Khadkekar.
Ki kynhun ialehkai ka ri kaba kynthup naduh ki kyrdan ialehkai jong ki shynrang/kynthei na ka bynta ki ar lympung ialehkai ki long:
Men’s singles: Manraj Singh, Ayush Shetty, Lokesh Reddy K., Gagan
Women’s singles: Rakshitha Sree S., Shreya Lele, Jiya Rawat, Aalisha Naik
Men’s doubles: Bhavya Chhabra/Param Choudhary, Divyam Arora/Mayank Rana
Women’s doubles: Vennala K.-Shreyanshi Valishetty, Vaishnavi Khadkekar-Sania Sikkandar
Mixed doubles: Arulmurugan R.-Srinidhi N., Sathwik Reddy K.-Vaishnavi Khadkekar.
