Shillong, Ïaïong 03
Ka Apphira Archery Committee (AAC) kan pynlong ïa ka ïakob siat khnam kaba la tip kum ka Rongbiria Ki Hima Ka Ri Hynñiewtrep kaba 33, ha ka sngi Saitjaiñ ha madan ïasiat ha Smit, Hima Khyrim.
Khyndiat shaphang kane ka Rongbiria, ka 4 tarik u Ïaiong ka dei ka sngi kynmaw jong ka jaidbynriew, kaba rakhe ïa ka jinglong ba shynrang mynsiem u Pa’iem Tirot Sing Syiem, Syiem ka Hima Nongkhlaw, ban ïeng pyrshah ïa ka bor ki nongwei .
Ïa kane ka Rongbiria yn sdang ban pynlong naduh ka por 10:30 baje mynstep bad la khmih lynti ïa ka jingwan shim bynta da ki rangbiriah na kylleng jong ka Bri u Hynñiewtrep.
