Shillong, Ïaiong 03
Ka lympung lehkai Cricket Late P.A. Sangma Memorial T20 Cricket Tournament 2026 ba la pynlong da ka Shillong Cricket Association ka la bteng da ka jingïakhun hapdeng ka Young Guns CC pyrshah ïa ka Langsning CC.
Ha ka jingkynting pisa la kam trai da ka Langsning CC kaba la ailad shwa ïa ka Young Guns CC ban tied nyngkong bad kaba la lah ban kamai 107 ron na ki 10 wiket ha ki 20 over.
U Angkit Tamang u la ïoh 24 ron na ki 19 bol bad u Aditya Singh 25 ron katba u Bishal Roy u la khur 3 wiket bad u Riboklang 2 wiket.
Ha kaba beh ïa ka thong ka Langsning CC ka la ïoh 111 ron na ki 3 wiket ha ki 13.4 over. U Bamanbha u la ïoh 53 ron bad u Dipankar 25 ron katba u Girish u la pynhap 1 wiket bad u Angkit kumjuh 1 wiket.
Haba kut ka jingïalehkai ka Langsning CC ka la jop noh da 7 wiket, bad ïa ka nam ‘Player of the match’ la ïoh da u Bishal Roy uba la ïoh 14 ron bad khur 4 wiket.
