Shillong, Rymphang 22
Ka Raj Bhawan ka la pynliem noh ïa ka Khalsa Warriors da 74 run na ka bynta ban khur ïa ka jingjop ha ka lympung ïalehkai First Division Shillong Cricket League ba la pynïaid da ka Shillong Cricket Association.
Ha kane ka jingïakhun kaba la long ha ka Sngi Balang ha madan Polo, ka Khalsa Warriors kaba la jop ïa ka jingkynting pisa, ka la ailad shwa ïa ka Raj Bhawan ban tied nyngkong ha kaba la kamai 189 run bad shah pynkhyllem 9 wiket ha ki 35 over. U Vishal Konwar u la ïoh ban khyrwit ïa ka shiteng spah da kaba ïoh 56 run na ki 38 bol lem bad u Sanjay Mandal uba la ïoh 53 run na ki 71 bol. Katba u Sawan Singh u la khur 3 wiket bad ïa ki 2 wiket la khur da u Khushaldeep Singh.
Haba wan beh ïa ka thong, ki nongtied ka Khalsa Warriors ki la shah pynhap wiket lut baroh na ka bynta ban kamai 115 run ha ki 27.2 over. U Karan Jaiswal u la tied 28 run na ki 45 bol bad u Anon Ram u la tied 22 run na ki 28 bol. Katba u Vinay u la khur 5 wiket bad ïa ki 2 wiket la khur da u Rohit Ram. Ïa ka nam ‘Man of the Match’ la khur da u Vinay na ka Raj Bhawan.
