Shillong, Rymphang 24:
Ka lympung ïalehkai 2nd District League T20 Cricket Tournament 2023 ba la pynïaid da ka East Khasi Hills Cricket Association ka la nangjam shaphrang ha kaba ka Marbisu bad ka Cricket Smit ki la khur ïa ka jingjop ha ka sngi Thohdieng.
Ha katei ka jingïakhun kaba la long ha Smit, ka Cricket Smit ka la khur ïa ka jingjop hadien ba ka la pynliem noh ïa ka Lumpaia Avengers CC da 5 run. Ka Cricket Smit ka la kam trai ban tied nyngkong ha kaba ka la kamai 133 run bad shah pynkhyllem 8 wiket ha ki 20 over. U Elbrenroy Mawthoh u la tied 27 run na ki 35 bol bad u Banshanlang Nongdhar u la ïoh 25 run na ki 21 bol. Haba phai sha ki nongkawang bol, u Miquel Obando Nongbri u la khur 4 wiket bad ïa ki 3 wiket la khur da u Daryll Donald Nongbri na ka bynta ka Lumpaia Avengers.
Haba wan beh ïa ka thong, ka Lumpaia Avengers ka la ïoh tang 128 run bad shah pynkhyllem 8 wiket ha ki 20 over. U Easterland Iangrat u la tied 35 run na ki 40. Haba shai sha ki nongkawang bol, u Elsabat Nongdhar u la khur 3 wiket na ka bynta ka Cricket Smit. Ïa ka nam ‘Player of the Match’ la khur da u Elbrenroy Mawthoh.
Haba phai sha kawei pat ka jingïakhun ba ar, ka Marbisu ka la jop da 98 run ïa ka Thangsning CC. Ka Thangsning ka la ailad shwa ïa ka Marbisu ban tied nyngkong ha kaba ka la ïoh 123 run bad shah pynkhyllem 9 wiket ha ki 20 over. U Bashemphang Kurbah u la tied 20 run na ki 24 bol. Katba u Briketstar Kharumnuid u la khur 2 wiket na ka bynta ka Thangsning.
Haba wan beh ïa ka thong, ka Thangsning ka la ïoh tang 25 run bad shah pynkhyllem 9 wiket ha ki 8.5 over. U Badap Pura Nongkhlaw u la tied tang 3 run na ki 8 bol. Haba shai sha ki nongkawang bol, u Andy Alwin Dkhar ka Marbisu u la khur 5 wiket bad ïohpdiang ruh ïa ka nam ‘Player of the Match’.
