Nongpoh, Rymphang 25:
Ka Shipara SC ka la rah ïa ka nam lahduh ha ka lympung ïalehkai 3rd Maitsha -phrang Football Tourna-ment ba la pynlong da ka KSU Umden Unit. Kane ka wan hadien ba ka lah ban pynliem noh ïa ka Umden SC lyngba ka tie-breaker kaba long ha ka Lah Sngi U Blei ha madan phutbol jong ka shnong Umden.
Ha kateika jingïakhun final baroh arliang mamla ki la ïakhun tyngeh naduh kaba sdang, hynrei kim shym la la ban thep kol. Hapdeng ka jingïakhun kaba ïakhaid, kim shym la lah satia ban pynkhih jar kaba la pynlong ïa u rephri ban pynlong syndon da ka jingïashut tie-breaker.
Ha katei ka jingshut tie-breaker, ka Shipara SC ka la ïoh ban rah noh ïa ka nam jop hadien ba tam da 5-4 kol ïa ka Umden.
Ha katei kajuh hi ka sngi, ka KSU Umden Unit ka la pynkup burom ïa kumba 28 ngut ki samla pule katei ka thaiñ kiba la pass bha ha ki eksamin bapher bapher ba kynthup naduh ka SSLC, HSSLC, Graduate bad Post Graduate ruh kumjuh.
Ha katei ka sngi la wan ban ïadon ryngkat da u samla Pynshai Rani, Publicity Secretary ka KSU sengkmie, u samla Ferdynald Kharkamni, President ka KSU NKHD lem bad kiwei kiwei de ki nongïalam ka seng bad ki riew rangbah ka thaiñ Umden.
