London, Rymphang:
U khlur iakura ka ri Bilat u Conor Benn mynta ka kynti u la ioh ban phai biang sa shisien sha ka thup kyrdan ha ka pyrthei jong ka WBC hadien ba ka synjuk pyniaid jingialehkai bahakhliehduh ka lah weng noh ia ka mukotduma pyrshah ia u ha kaba iadei bad ka kam dih drok.
Katkum ka jingwad jingtip kaba bniah da kynhun tohkit, la lap dien ia ka jingdon katto katne ki drok ha ka met jong utei u nong-ialehkai haduh ban da pynlong ia utei u nongialehkai uba lah kwah hir-hir ban iakhun ha ka London bad u Chris Eubank Jr being lah hap ban pynsangeh noh shuwa ha u bnai Risaw.
Kumta na ka liang jong ka WBC ka iathuh ba ka kynhun u Benn mynta u bnai ka lah dep ban phah ia ka kaiphod kaba pura halor katei ka jingjia ia kaba lah mih na ka jingbam ka jong u bad ka jingbam ka jong u ia ki jingdih tei-met ha kaba la lap ia ka jingdon u droks ha ka met jong u. Shuh shuh lah shem ruh ba kam shym la don kano kano ka sakhi ban pynshisha ba u Benn da ka jingthmu ka jong u ban dih ia u dawai ba lah khang pyrshah da ka WADA u Clomiphene.
Na ka liang jong ka WBC ka iathuh ruh ba kan iakren ruh bad ka World Anti-Doping Agency (WADA) halor ka jingkhuslai ka jong ka ia ka jingdon jong u dawai Clomiphene ha ka bam.
Haduh mynta u Benn u dang iaisah hapoh ka jingtohkit ha ka UKAD; ka synjuk bahakhliehduh kaba ha ri Bilat.
