Shillong, Rymphang 27:
Ar ngut ki rangïalehkai Mixed Martial Arts (MMA) ka Jylla, u Donbestar Syiemlieh bad u Amos Nongrang ki la khur ïa ka takma ksiar dangshen ha ka Club War 21 Tournament kaba la long ha Assam.
U Donbestar uba na South West Khasi Hills, u la ïakhun ha ka kyrdan ïalehkai 56kg flyweight category ha kaba u la lah ban pynliem noh ïa u rangïalehkai Nagaland bad Uttarakhand hashwa ba un kynjoh sha ka thong.
Nalor u Donbestar bad u Amos, ki la don sa saw ngut kiwei pat kiba la leit ïashim bynta lang kiba kynthup ïa u Jonibor Tron, Kenedy Mawïong, Wankyrpang Dame Suchiang, Cleverwell Pariong, kiba dei na ka Ground and Pound MMA Gym hapoh ka jingai jinghikai da u Bah Cores Marweiñ.
